Fotos e vídeos do 23/06/2012

Xa podedes atopar na nosa galería de imaxes e na páxina dos vídeos algunhas novidades que puidemos recoller o día 23/06/2012 na rúa Algalia de Abaixo, no concello de Santiago de Compostela.
A xente estaba animadísima con nós e agradecemos a festaza que se formou entre todos, foi inesquecible...Moitas gracias.
Para todos aqueles que non puidestes acompañarnos presentámosvos algunha das fotos, como poden ser as seguintes, nas que podedes observar como o estaba a pasar o público que alí nos acompañaba.

Pero isto non será todo, tamén podedes atopar vídeos nos que observades novidades en canto á posta en escena desta Charanga; neste caso, na canción do Bacalao empregaron algunha que outra sorpresiña, mirádeo e xa nos contades que vos parece...

Gracias a todos os que nos acompañastes e confiastes en nós para animar de novos as vosas festas, esperamos que o pasarades tan ben coma a Charanga.

Un saúdo

A Estrada

Mañá, 25 de Xuño, estaremos convertindo as festas da Estrada nun día inesquecible para todos aqueles que nos acompañedes.
O noso horario será de 11:00 a 13:00, para comezar animándovos un pouquiño a mañá; e volveremos á tarde dende as 20:00 ata as 22:00 para rematar a tarde ao ritmo da nosa música.
Se aínda tes dúbidas de vir ou non, pénsao ben porque a Charanga BB+ prométeche un día para recordar, un día deses nos que ti eres o protagonista e no que rematarás bailando, teñas 2anos, 15, 45 ou mesmo 95...
Anímate e axúdanos neste día de festa na Estrada.
Esperámoste!!

Noite máxica...

Como non podía ser doutro xeito, a noite máxica do ano celebrámola por todo o alto... A Charanga non defraudou e a xente que se xuntaba na Algalia de Abaixo tampouco.
En breve subiremos fotos e vídeos, aínda que podedes adiantarvos a todo isto entrando na noticia que saíu no Correo Gallego. Agradecemos que este importante periódico recoñecera a nosa labor; así como, tamén debemos agradecer con moitísimo cariño ao concello de Santiago por contar con nós outra vez máis nas súas festas.

http://www.elcorreogallego.es/santiago/ecg/santiago-bailou-ao-son-do-lume-na-noite-mais-meiga/idEdicion-2012-06-24/idNoticia-753186/

Santiago de Compostela

Por fallos técnicos e que non teñen nada que ver coa Charanga, vémonos obrigados a actualizar o blog a estas alturas, desculpade as molestias.
Como xa puidestes ver nas nosas redes sociais, actuaremos este sábado 23de Xuño na capital de Galicia; desta volta estaremos na rúa Algalia de Abaixo amenizando, como non podía ser doutro xeito, unha boa sardiñada nesta noite máxica do ano.

A actuación está para as 22:00 aínda que o pase forte da noite poderédelo escoitar a partir das 23:00. A esta hora prometemos facer desta rúa de Santiago, unha pista de baile, diversión, e momentos inesquecibles... 

Agardámosvos alí para acompañarnos e animar a noite ao ritmo da nosa música.

Nova incorporación

Como xa vos comentamos anteriormente, vaise incorporar á Charanga un novo compoñente; pero desta vez témosvos unha pequena sorpresa, non será un só músico, se non dous.
Xa sabiades que íamos ter un percusionista latino novo, pero aínda non saberedes a súa identidade. Neste caso estamos ante un saxo tenor, un magnífico músico que xa ven doutra moi coñecida Charanga, á que lle mandamos un cordial saúdo.
Camanzo...non non! seguimos tendo a nosa orixe en Vedra; pero si que lestes ben, trátase de Camanzo, este magnífico músico que nos vai apoiar no repertorio desta nova tempada.
Presentarase este sábado 23 de Xuño, na actuación programada para Santiago de Compostela (Algalia de Abaixo). Prometeunos non defraudar, así que xa sabedes, hai que ir a velo para meterlle as ganas de festa no corpo; aínda que cremos que xa ten dabondo...:)

Atoparedes xa incorporada a súa foto no apartado de compoñentes.
Esperámosvos amig@s...

Non dubidedes en seguir observando con atención o blog, xa que en breves comezaremos a adiantarvos como será a nova percusión latina e, por suposto, o músico que a vai tocar.
Un saúdo

Novidades...

En breves presentarémosvos a un novo compoñente da charanga que nos apoiará cos seus ritmos latinos na percusión...iremos subindo fotos cando as teñamos preparadas...

Estaredes pensando que se nos vai David (Mougán), pero non! serán dous precusionistas que apoiarán ao resto dos compoñentes coa súa música.

Prometemos un compoñente de luxo para esta tempada forte de verán...

Novo blog!

Aquí estamos..renovando blog, xa que o anterior estaba xa un pouco anticuado.

Tan só desexar que vos agrade, e que poidades asistir a algunha das nosas actuacións. Xa sabedes que dos vídeos á realidade sempre se cambia, esperamos que sexa para mellor.

Unha aperta

Os vosos amigos da Charanga BB+